بقلم / خالد الترامسي
فى مصر عندنا حاجات كتيرة شادة ويمكن مقلوبة .
_ عندنا في مصر كتير من الناس بتعاني وحالها بقي يصعب علي اليهودى إللي كانت سبب طرفة هتعرفوها في أخر المقال .
_ عندنا في مصر الناس تشتكي وتئن جوعا وهناك أناس بالحكومة تسرق وتستبيح المليارات ويقعدوا في أكبر فنادق مصر بأضعاف دخلهم الرسمي ب ١٥ ضعف ويزيد وأخر يشطب شقته شقته إيه قول فيلته دى تتجاوز الأربعة مليون جنيه ههههههههههه أه أبو عِمة مايلة .
_ عندنا في مصر في ضرايب بتتفرض علي الفقير ويقل حدتها عن الأغنياء .
_ عندنا في مصر في ناس كتير بتصرف ببزخ علي الأفراح وسرادقات العزاء وسهرات الهشتك بشتك والملاهي الليلية وناس مش لاقية فتات أطعمتهم ووقانا الله من شر مشاربهم ومش عاوزين مذاتهم .
_ عندنا في مصر ناس كتيره حرمية ونصابيين وأفاقين وعلي عينك يا تاجر ويتم حمايتهم من البشوات علي الجانب الأخر أم صلاح في السجن عشان كانت بتستر بنتها .
_ عندنا في مصر بمجرد مالحكومة ترفع جنيه في سلعة تلاقي المواطن إدبس في عشر أضعاف إزاي مش عارف ، لا منطق إقتصادى ولا منطق بدنجاني ، يمكن بمنطق الإنتهازية بمنطق حط إيدك في جيب أم إللي جنبك ، ولا رقابة ولا حياة من تنادى .
_ عندنا في مصر كل حاجة ماشية سبهللة لا في إحترام لأداب الطريق وكله عاوز يوصل قبل التاني والأخر كلهم بيوصلوا متأخرين .
_ عندنا في مصر قام الشعب بثورة علي رجل محترم دلوقتي بيتمنوا ربع يوم من أيامه طلعوه حرامي والبلد كانت ماشية زى الفل ، قالوا فاسد ووزراءه فاسدين والأخر لقينا عندنا وزراء مشغلين الدولة لحسابهم وحساب أبوهم ، وإيه في دعم الفقراء ، إللي هو في الأساس أي كلام فى أي كلام بس كان يوصل لهم .
_ عندنا في مصر إيه الحكومة الإليكترونية أو الحوحو الذكية وطلعت غبية ، علي الرغم لما نعمل منظومة تاخد بالحداثة المفروض تأتي بثمارها علي المواطن المتشقلط المدحرج في الوحل ، لكن بنلف وندور علي بعض ، والعفريت يشتغل عفريت إيه قول الشيطان يعمل أفاعيله ويا ريت بيسرقوا الناس في عشر تلاف ولا عشرين ألف ولا مليون ، دى مليارات وسلملي علي ذكية .
_ في مصر عندنا حاجات كتير غلط لكن إللي يكيد إن عم أحمد راجح المسلم الموحد بالله يطلع يهودى زي ما إنتوا هتشوفوا في وثيقة الوفاة الخاصة به ، واللي يكيد أكتر والمفروض يبقي عندهم دم إنهم في ثواني ممكن يغيروها علي أم الجهاز وأظن ده خطأهم بدل ما يلففوا الناس علي المحاكم .
عجبت لكي يا مصر .
